رباب أزماني تنعى جدتها بكلمات مؤثرة
نعت اليوتيوبر المغربية رباب أزماني، زوجة الفنان فريد غنام قبل ساعات، جدتها الراحلة، بكلمات مؤثرة، وذلك عبر حسابها الرسمي على موقع تبادل الصور والفيديوهات إنستغرام.
ونشرت أزماني صورة تجمعها بوالدتها وجدتها، على حائط حسابها الرسمي بموقع إنستغرام، أرفقتها برسالة مطولة تنعى من خلالها جدتها الراحلة، حيث إنها كتبت فيها: “إنا لله وإنا إليه راجعون، كنت باغية نلبسو بأربعة بنا نفس اللبسة في حفل ختانة كرم، كنت باغية نعملو جلسة تصوير لأربعة أجيال، كنت باغياك تشوف بنت سمر ونرجعو خمسة أجيال”.
وأضافت: “باقي ما قلتلكشي بلي كنت كنفتخر بك ملي كنت طفلةوكنقولهم مامي باقة صغيرة و مزيونة و حنينة،
ملي كانو كيشوفوني معك، كيقولولي كتكذب علينا هادي ماماك، خصوصا ملي كيسمعوني كنعايطلك مامي،في خبارك كنت كنبغي طنجة غير حيت نتينا فيها، كنتي كتفرح بزاف ملي كنقولك عمري كليت شي ماكلة لذيذة أكثر من ديالك و في نفس الوقت كتحشم”.
وتابعت أزماني في تدوينتها: “عييت نحاول نتفكر شي نهار عاليتي فيه صوتك عليا أو خصارتيلي خاطري، بالعكس ديما كنجي نشكي عليك و كنلقاك أحن وحدة عليا في هاد الكون ، نتينا كنتي الركيزة بالنسبة ليلي و الخير و البركة، كنتي كدافع عليا ملي كيقولو رباب ما كتعايطشي في التيليفون بزاف، حيت عارفة بلي معزتك أكثر من ألو، و بلي هاديك هي طبيعتي”.
وقالت رباب: “أخر اتصال كان بيناتنا قولتيلي عتاقني الله يخليلك كرم، و هاد الجملة نهار و ليل في ودني كذباحني،
وخا الله لي عالم عملت أكثر من جهدي، أسبوعين ما نعست، ما وقفت الدعاء، ما وقفت بكا، ما وقفت وصايا عليك…ما نزلت التيليفون من يدي… دقيقية بدقيقة كيعطيوني خبارك، وحتى تصاورك لي قبالت عيني غتبقى مدى الحياة !”.
واختتمت تدوينتها قائلة: “طبعا باقة كنفتخر بك حيت كلشي كيقول نتينا المرا د الجنة و ربي بغاك في يوم الجمعة لي عظيم عندو و ختارك تكون شهيدة الوباء، الحاجة الوحيدة لي كتصبرني و لو بنسبة قليلة على فراقك… هي أنني متأكدة أنك مرتاحة دبا برحمة الله، كنوعدك غنعمل جهدي كامل باش نتلاقاك في الجنة. إنا لله وإنا إليه راجعون”.
ويذكر أن رباب أزماني أعلنت، قبل أسبوعين، عن إصابة جدتها بفيروس كورونا، ودخولها المستشفى في حالة حرجة.
