شيحة تهاجم تامر حسني بسبب مشهد “رومانسي”
وجّهت الفنّانة حلا شيحة عتابا للفنان المصري تامر حسني، وذلك بعد طرحه فيديو كليب “بحبك”، من فيلم “مش أنا”، بسبب تضمنه مشاهد رومانسية جمعت بينهما، معتبرة أن تامر تجاهل قرار اعتزالها المجال الفني، خاصة وأنها أعلنت، في وقت سابق، تبرؤها من هذا العمل.
ونشرت حلا بوستر يحمل عنوان “مش أنا”، على حائط حسابها الرسمي على موقع التواصل الاجتماعي “إنستغرام”، أرفقته بتعليق كتبت فيه: “أنا اتفاجئت جدا بنزول كليب يجمع فيه مشاهد متفرقة من الفيلم وخصوصا بعد آخر بوست نزلته” و وضحت فيه “أنا إيه.. واتفاجئت أكتر خصوصا بعد وعد تامر حسني ليا وتأكيده أنه حیحترم رغبتي وبعض الطلبات اللي طلبتها منه بكل احترام وود الصيف اللّي فات، وأکد لي إنه حيحترم رغبتي.”
وأضافت “بتكلم من قلبي، الكليب ده ميرضيش ربنا و انا عيّطت لأني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر، بس المصيبة أننا بنغفل وبننسی.”
وتابعت “أنا مش حتكسف من حد، أنا تبت من المشاهد دي و هي و هي لا تصح و أنا غلطت وبصلّح، وأهم حاجة إن ربنا يرضى عني لأن في الآخر ده اللي حينفعنا مش الشهرة ولا النجاح.. الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن.”
ويذكر أن الفنانة حلا شيحة كانت قد أعلنت اعتزالها المجال الفني بشكل غير مباشر، بعد أن شاركت متابعيها عبر حسابها الرسمي على موقع تبادل الصور والفيديوهات إنستغرام، صورة جمعتها بزوجها الداعية الإسلامي معتز مسعود، وظهرت فيها وهي ترتدي الحجاب، وكتبت حينها تدوينة جاء فيها: “بحمد ربنا إني أخيرا لقيت التوازن بين إني أكون سعيدة في حياتي وفي نفس الوقت أكون صادقة مع نفسي واللي مؤمنة بيه من جوايا”.
