مونية لمكيمل: التنمّر سلاح الضعيف
وجّهت الفنانة المغربية، مونية لمكيمل، رسالة شديدة اللّهجة للمتنمرين، وذلك عبر حسابها الرسمي على موقع التواصل الاجتماعي “إنستغرام”.
ونشرت الفنانة مونية مجموعة صور لها من أحدث جلسة تصوير لها، أرفقتها بتدوينة كتبت فيها: “التنمر هو سلاح الضعيف اللي عامر عقد نفسية، مايمكنش الواحد ينقص منك حيث نيفك طويل ولافمك كبير ولا ماعندكش شنايف بارزة ولافيك الحبوب ولا ودنيك كبار.. حيث بكل بساطة هاذ مول الفعلة نهار خرج من كرش أمه ماعطاوهش كاطالوگ يختار الملامح اللي عاجباه ياخد أحسن ماكاين وخلا الشياطة للآخرين”.
وأضافت: “ومكنختاروش المستوى المادي ديال الأسر اللي كنخلاقو وسطهم، إذن مايمكنش نتباهاو بالغنى المادي واحنا عايشين الفقر الأخلاقي، ومايمكنش نعطيو لنفسنا الحق في تقييم الآخرين والتدخل فحياتهم الشخصية دون إذنهم، حيث احنا فالمغرب أربعين مليون نسمة بأربعين مليون عقل بأربعين مليون أسلوب حياة”.
وتابعت قائلة: “الحرية هي ندير اللي بغيت بدون من آدي الناس وايلا تسببت فشي أذى للناس كاين رب كيحاسب وقانون كيعاقب وأسرة كتعاود التربية، كنتباهاو بأخلاقنا بقرايتنا وبحسن تربيتنا.. الشي اللي حنا عندنا دخل وقرار فيه، انتهى”.
واختتمت مونية تدوينتها قائلة: “أحبكم يا أحسن متابعين الله يكرم أصلكم ويلاقيكم مع أولاد وبنات الناس”.
