بعد ربع قرن زواج.. الوالي يكشف تفاصيل خاصة عن حياته مع ابتسام
شارك الفنان المغربي رشيد الوالي، متابعيه عبر حسابه الرسمي على موقع تبادل الصور والفيديوهات إنستغرام، ذكرى زواجه الـ25 على زوجته ابتسام شكارة.
ونشر الممثل والمخرج رشيد الوالي صورة قديمة جمعته بزوجته ابتسام من عقد قرانهما، على حائط حسابه الرسمي بموقع إنستغرام، أرفقها بتعليق كتب فيه: “مافيها باس ننشر للمتابعين ديالي انا وابتسام هاذ الصورة ديال ضريب الصداق ديالنا، غادي يقول البعض كانو صغار، معلوم وخا غير لبارح ليوم كيمضي على زواجنا خمسة وعشرين سنة، ربع قرن، واش كانت كلها زوينة؟ هذا سؤال صعيب الجواب عليه، حيت حتى علاقة مكتكون ساهلة من الأول.ولكن مع الوقت كلشي كنشوفوه زوين حيت كنقارنوه مع النتيجة وبلا حب وصبر ومودة وتفهم الطرفين والتسامح، عمر هاد الشي مكان يمكن يستمر”.
وأضاف: “سؤال آخر واش كون كانت تتعاود غادي نعاود نفس الإختيار ؟؟ الجواب هو لا منقدرش حتى نفكر فيها، حيت كنعتابر أن الله اللي جمعنا وهو اللي ختار ليا ودارها على طريقي ودارني فطريق ابتسام، حيت كنا مختالفين بزااااف، لهذا اختياري كان غادي يكون مبني على اشياء كتزول مع الوقت”.
وتابع: “كنحمد الله على أنه جمعنا وحنن قلب كل واحد على لاخر، لدرجة لحياة بلا ابتسام كانت غادي تكون فشكل آخر”، معربا عن شكره وامتنانه لزوجته قائلا: “شكرااا حبي على كل مدرتيه وصبرتيه وزرعتيه باش تستمر علاقتنا وزواجنا واحترامنا لبعضنا، سليم وآدم هدية من الله ونتمنى نكون فمستوى الهدية والأمانة اللي بين يدي حتى يوفى الأجل”.
واختتم تدوينته قائلا: “وأخيرا شكرا لكل من قال كلمة زوينة ولا تشجيع و لا صلح بيناتنا فشي نهار كنا محتاجين ليه.. فمن لم يشكر الناس لم يشكر الله، كل سنة وانت جميلة ابتسامتي.15/08/1996”.
ومن جهة أخرى، يحرص الوالي دائما على إظهار مشاعر الحب والتقدير لزوجته، كما يشجعها من خلال تدويناته عبر حسابه الرسمي بموقع إنستغرام، إذ عمد قبل أيام على تهنئتها بمناسبة نجاحها في الأسدس الرابع، حيث إنها تتابع دراستها في شعبة القانون باللغة الفرنسية.
