ريهام سعيد تعتزل الإعلام من أجل التمثيل

أعلنت مقدمة البرامج المصرية ريهام سعيد اعتزال الإعلام، وعودتها للتمثيل من جديد، وذلك من خلال تدوينة نشرتها عبر حسابها الرسمي على موقع تبادل الصور والفيديوهات إنستغرام.

ونشرت ريهام سعيد صورة لها على حائط حسابها الرسمي على موقع تبادل الصور والفيديوهات إنستغرام، أرفقتها بتعليق كتبت فيه: “فكرت كتير قبل ما أكتب البوست ده، أنا اعتزلت التمثيل سنة 2015 لأني حسيت إن صاحب بالين كداب وإن التمثيل مأثر على مسيرة الخير إلى ابتديتها من سنين طويلة عشان الوقت والمجهود اللي بعمله”.

وأضافت: ” لكن عشقي للتمثيل إلى هو دراستي ومهنتي الأولى قبل الإعلام رجعت أمثل تاني وأنا لسه في نظر المخرجين والمنتجين مذيعة عايزه تمثل، كنت عارفة إن عشان آخد مكان كممثلة لازم أسيب الإعلام زي- مع حفظ الألقاب- داليا البحيري وبسمة ودينًا فؤاد ودينا الشربيني وغيرهم بس مكنتش قادرة أسيب رسالتي إللى كانت مهمة أوي وقتها”.

وقالت: “أنا بكل أسف بعلن اعتزالي الإعلام تماما وهاركز كممثلة وهاطلب من الدكتور أشرف زكي إنه يساعدني إني أغير الفكرة الموجودة في أذهان المخرجين والمنتجين إني مذيعة، ورسالة للأستاذة كاملة أبو ذكري ومش مكسوفة نفسي أوي أمثل معاكي حتي لو مشهد ده من أحلامي، خطوة صعبة وفيها ريسك كبير بس على الأقل أجري ورا حلمي حتي وأنا في السن ده، جه الوقت إني أستمتع بالي بعمله وبحبه، خصوصا لما يكون في عصر ولا في وسطة ولا محسوبية إلى هايجتهد هايوصل. ماتسيبوش حلمكم مهما فات الوقت”.

ويذكر أن ريهام سعيد من مواليد 31 ماي 1975، إعلامية وممثلة مصرية، شاركت في العديد من المسلسلات، وقامت بتقديم عدد من البرامج التلفزيونية، إذ يعد برنامج صبايا الخير من أشهر ما قدمت لما يطرحه من قضايا مثيرة للجدل.